Association Sportive de Monaco Football Club

Association Sportive de Monaco Football Club
Association sportive de Monaco Football Club
Situación
Estáu	Mónacu
Datos
Nome oficial	Association sportive Monaco Football Club
Tipu	club de fútbol
Fundáu en	23 agostu 1924
Propietariu	Dmitry Rybolovlev (es)
Presidente	Dmitry Rybolovlev (es)
Entrenador	Adolf Hütter
Categoría	Ligue 1
Instalaciones
Estadiu	Estadio Luis II (es)
Dueñu de	Dmitry Rybolovlev (es) Casa de Grimaldi
Web oficial

L'Association Sportive de Monaco Football Club, conocida tamién como Mónacu, ye un club de fútbol perteneciente al Principáu de Mónacu. Foi fundáu en 1924 y xuega anguaño na Ligue 1 de Francia con alcuerdu deportivu, yá que nun ye un equipu francés. L'equipu desenvuelve los sos alcuentros como llocal nel Stade Louis II (n'asturianu: Estadiu Lluis II), allugáu nel distritu de Fontvieille.

A lo llargo del tiempu llogró atropar una gran cantidá de títulos oficiales, ente los que destaquen 8 consagraciones en Lliga de Francia (siendo'l 3ᵘ más ganador empatáu col Nantes), 5 en Copa de Francia y 1 en Copa de la Lliga. A nivel européu algamó finales en Lliga de Campeones mientres la temporada 2003-04 y Recopa de la UEFA en 1991-92. Foi subcampeón en diverses oportunidaes, y unu de los mayores animadores del fútbol francés dende los sos empiezos. L'amplia reconocencia global, sicasí, débese mayormente al so allugamientu —dientro del Principáu más famosu del mundu— y l'importante númberu de figures internacionales que militaron nes sos files.

Los años de mayor ésitu pa Mónacu lleguen nos 70's y 80's, cuando foi entrenáu polos notables Lucien Leduc y Arsène Wenger. Llogró asitiase como un club de prestíu en Francia, pero tamién a lo llargo del continente européu (a pesar de non campeonar nes sos competiciones). A fines de los años 1990 recuperó terrén perdíu nel empiezu de la década, empecipiando otru periodu de grandes conquistes a partir del nuevu mileniu gracies a xugadores como David Trezeguet, Lucas Bernardi, Marcelo Gallardo, Rafael Márquez y Thierry Henry. La institución nutrióse siempres de futbolistes franceses, siendo éstos los más destacaos del so historial. L'únicu monegascu nativu d'importante trescendencia foi Armand Forcherio, quién se tresformó n'unu de los ídolos más queríos pola xente. Un considerable númberu d'arxentinos integraron los sos planteles dende la profesionalización en Lliga de Francia, en diversos casos ciudadanos franceses por ascendencia dellos d'ellos.